Navratri Rain Gujarat Forecast 2025: ગુજરાતમાં નવરાત્રિના તહેવારની ઉજવણી પુરજોશમાં ચાલી રહી છે, પરંતુ ખેલૈયાઓ માટે હવામાન વિભાગે મહત્વની આગાહી જાહેર કરી છે. આગામી સપ્તાહ દરમિયાન રાજ્યના અનેક વિસ્તારોમાં છૂટાછવાયા થી ભારે વરસાદ વરસી શકે છે.
બે સિસ્ટમ એક્ટિવ – વરસાદની સંભાવના
હવામાન વિભાગ મુજબ, મધ્ય મ્યાનમાર કિનારા પાસે તથા પૂર્વ મધ્ય બંગાળની ખાડી વિસ્તારમાં અપર એર સર્ક્યુલેશન સક્રિય છે. તેની અસરથી 25 સપ્ટેમ્બરે બંગાળની ખાડીમાં નીચા દબાણનું ક્ષેત્ર બનશે, જે ધીમે ધીમે ડિપ્રેશનમાં ફેરવાશે.
આ સિસ્ટમ 26 થી 27 સપ્ટેમ્બરના રોજ દક્ષિણ ઓડિશા અને ઉત્તર આંધ્રપ્રદેશના કિનારે પહોંચવાની શક્યતા છે. આ સિસ્ટમ પશ્ચિમ તરફ ખસતાં ગુજરાત સહિત પશ્ચિમ ભારતમાં વરસાદી માહોલ સર્જશે.
દિવસવાર વરસાદની આગાહી
- 26 સપ્ટેમ્બર – આણંદ, વડોદરા, દાહોદ, ભરુચ, સુરત, રાજકોટ, અમરેલી, ભાવનગર સહિત અનેક જિલ્લામાં હળવાથી મધ્યમ વરસાદની શક્યતા.
- 27 સપ્ટેમ્બર – તાપી, નવસારી, ડાંગ અને વલસાડ જિલ્લામાં ભારે વરસાદ માટે યેલો એલર્ટ, બાકીના વિસ્તારોમાં મધ્યમ વરસાદ.
- 28 સપ્ટેમ્બર – આણંદ, વડોદરા, સુરત, નવસારી, અમરેલી, ભાવનગર, ગીર સોમનાથ સહિત 12 જિલ્લામાં ભારે વરસાદની આગાહી.
- 29 સપ્ટેમ્બર – દક્ષિણ ગુજરાત તથા સૌરાષ્ટ્રના અનેક જિલ્લામાં ભારે વરસાદ સાથે યેલો એલર્ટ.
- 30 સપ્ટેમ્બર – ગીર સોમનાથ, અમરેલી, ભાવનગર, જૂનાગઢ, પોરબંદર, નવસારી અને વલસાડમાં ભારે વરસાદની શક્યતા.
- 1 ઑક્ટોબર – રાજ્યના છૂટાછવાયા વિસ્તારોમાં ગાજવીજ સાથે વરસાદ.
ખેલૈયાઓને સલાહ
નવરાત્રિમાં વરસાદ ખેલૈયાઓની મજા બગાડી શકે છે. હવામાન વિભાગની ચેતવણીને ધ્યાનમાં રાખીને ખેલૈયાઓએ ખુલ્લા મેદાનોમાં સાવચેતી રાખવી જોઈએ. ખાસ કરીને દક્ષિણ અને સૌરાષ્ટ્રના વિસ્તારોમાં ભારે વરસાદને કારણે પાણી ભરાવાની પરિસ્થિતિ પણ સર્જાઈ શકે છે.
Read more – આજનું રાશિફળ 2025: બે રાશિના જાતકો માટે ચેતવણી ! આજનો દિવસ બનશે યાદગાર?
