Sharadiya Navratri 2025: શારદીય નવરાત્રિ 2025 ની શરૂઆત જલદી થવાની છે. હિંદુ પરંપરામાં નવરાત્રિ એક અત્યંત પવિત્ર તહેવાર છે, જેમાં ભક્તો મા દુર્ગાની આરાધના, ઉપવાસ અને વિવિધ ધાર્મિક વિધિઓ કરે છે. માન્યતા છે કે નવરાત્રિના આ નવ દિવસોમાં દેવીના નવ સ્વરૂપોની ઉપાસના કરવાથી જીવનમાં શક્તિ, સમૃદ્ધિ અને સકારાત્મક ઉર્જાનો પ્રવાહ થાય છે.
નવરાત્રિનું મહત્વ
વર્ષમાં ચાર વખત નવરાત્રિ આવે છે. જેમાં બે પ્રત્યક્ષ નવરાત્રિ (ચૈત્ર અને શારદીય) ખાસ કરીને મોટા પાયે ઉજવાય છે. બાકી બે ગુપ્ત નવરાત્રિ દરમિયાન સાધકો તંત્ર-સાધના અને અનુષ્ઠાન કરે છે. ખાસ કરીને શારદીય નવરાત્રિ દરમ્યાન ભક્તો મા દુર્ગાની અખંડ ભક્તિ કરે છે અને દુર્ગા સપ્તશતીનો પાઠ કરવાનું શ્રેષ્ઠ માનવામાં આવે છે.
દુર્ગા સપ્તશતી અને 700 શ્લોકોનું વર્ણન
દુર્ગા સપ્તશતી એક મહત્વપૂર્ણ હિંદુ ધાર્મિક ગ્રંથ છે, જે માર્કંડેય પુરાણમાંથી ઉતરી આવ્યું છે. તેમાં કુલ 700 શ્લોકો છે, જેમાં દેવી દુર્ગાના સ્વરૂપ, શક્તિ, અખંડ મહિમા તેમજ પૂજા પદ્ધતિનું વિગતવાર વર્ણન છે. નવરાત્રિ દરમ્યાન આ ગ્રંથનો પાઠ કરવાથી ભક્તને શાંતિ, આરોગ્ય, ધન-સંપત્તિ અને આત્મવિશ્વાસની પ્રાપ્તિ થાય છે.
મા દુર્ગાના આઠ અસ્ત્રોનું રહસ્ય
દેવી દુર્ગાને અષ્ટભુજા ધરાવતી દેવી કહેવાય છે. તેમના દરેક હાથમાં એક વિશિષ્ટ અસ્ત્ર શોભે છે, જે માત્ર શક્તિનું પ્રતીક જ નહીં પરંતુ માનવતાના રક્ષણનું પણ સંકેત આપે છે.
દુર્ગા સપ્તશતીના પાંચમા અધ્યાયના ધ્યાન શ્લોક મુજબ દેવી દુર્ગાના હાથમાં રહેલા 8 અસ્ત્રો આ છે:
ઘંટ – અસુરોનો નાશ અને નકારાત્મક શક્તિઓને દૂર કરવા.
ત્રિશૂલ – સત્ય અને અસત્ય પર વિજયનું પ્રતીક.
હળ – શ્રમ અને શ્રદ્ધાનો સંદેશ.
શંખ – શુભતા અને વિજયનું પ્રતીક.
ચક્ર – સમય અને નિયમિતતાનું પ્રતીક.
મુસલ – દુષ્ટ શક્તિઓના નાશ માટે.
ધનુષ્ય – ધર્મની રક્ષા માટે.
તીર – અધર્મનો નાશ અને સત્યની સ્થાપના.
આ તમામ અસ્ત્રો માનવજીવનમાં સકારાત્મકતા, હિંમત અને ન્યાયની પ્રેરણા આપે છે.
નવરાત્રિમાં અષ્ટભુજા દેવીની પૂજા કેમ ખાસ ?
માન્યતા છે કે નવરાત્રિ દરમિયાન મા દુર્ગાની પૂજા, દુર્ગા સપ્તશતીનો પાઠ અને ઉપવાસ કરવાથી ભક્તને અમોધ ફળની પ્રાપ્તિ થાય છે. આથી ભક્તના જીવનમાંથી દુઃખ-કષ્ટો દૂર થાય છે અને સુખ, સમૃદ્ધિ અને શાંતિનો પ્રવેશ થાય છે.
Disclaimer: આ લેખમાં આપવામાં આવેલી માહિતી ધાર્મિક ગ્રંથો અને માન્યતાઓ પર આધારિત છે. વાચકોએ તેને માત્ર સામાન્ય જ્ઞાન અને શ્રદ્ધા તરીકે જ લેવા.
Read more – માસિક રાશિફળ ઑક્ટોબર 2025: આ 5 રાશિઓ પર વરસશે ધનલક્ષ્મીની કૃપા, જાણો તમારું ફળફળાટ